Në përfundim të protestës së opozitës, mbrëmjen e 20 shkurtit, janë shoqëruar mbi 40 persona në ambientet e Policisë së Tiranës.
Gazetari Mariglen Kume thotë për “MCN Live” se ky është numri më i lartë i protestuesve të shoqëruar apo arrestuar ndonjëherë, krahasuar me protestat e mëparshme të organizuara nga Partia Demokratike.
Në protestat e kaluara numri maksimal i të arrestuarve ka qenë deri në 28 persona, ndërsa këtë herë shifra rezulton më e lartë, mbi 40 sosh.
Kjo situatë ka sjellë reagimin e deputetëve dhe avokatëve të PD-së, të cilët janë angazhuar në mbrojtje të protestuesve, duke qenë pranë tyre në komisariate dhe në gjykatë, si dhe duke ndjekur nga afër vendimmarrjet e trupës gjykuese.
Ky është numri me i lartë i të arrestuarve, mbi 40 te tillë, nga personat e shoqëruar, 17 janë arrestuar, ndërsa 35 të tjerë po hetohen në gjendje të lirë.
Kujtojmë se pas përfundimit të fjalimeve, protesta u shoqërua me incidente. Disa protestues hodhën koktej molotov në drejtim të godinës së Kryeministrisë, ndërsa policia reagoi duke përdorur gaz lotsjellës për shpërndarjen e turmës.
Sipas Kumes, kjo proteste, kësaj radhe mori formën e një mosbindje civile.
Protesta e së premtes po merrte formën e një mosbindjeje civile, duke kaluar në një fazë tjetër nga sa ishte parë më herët.
Ndryshe nga herët e tjera, policia ka qenë më agresive në ndërhyrje, duke mos toleruar situatat dhe duke reaguar menjëherë.
Madje, pa përfunduar ende fjalën Berisha, nisi shpërndarja e turmës me ujë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
