Uragani Florence i cili po karakterizohet si stuhia më e fuqishme dhe pritet të forcohet më shumë duke kërcënuar Karolinën pas gati tre dekadash, thonë parashikuesit.
Zyrtarët paralajmërojnë se ka një shans për "përmbytje kërcënuese për jetën nga uji i cili është në rritje" për gjatë 48 orëve të ardhshme kur Florence i drejtohet Bregut Lindor të SHBA.
Me erërat që arrijnë deri në 215 km/h, dhe sipas zyrtarëve aktualisht uragani është një stuhi e kategorisë së katërt.
Virginia, Maryland, Uashington DC, dhe Karolina e Veriut dhe e Jugut kanë deklaruar të gjitha gjendjet e jashtëzakonshme.
"Kjo stuhi është një përbindësh," tha Guvernatori i Karolinës së Veriut Roy Cooper në një konferencë shtypi të martën. "Është e madhe dhe është e egër.
"Kjo është një stuhi jashtëzakonisht e rrezikshme, kërcënuese për jetën e njerëzve", tha ai më tej.
Përditësimi më i fundit i Shërbimit Kombëtar të Motit (NWS) të martën në mëngjes thotë se Florence pritet të "vazhdojë një trend ngadalësues për ditën tjetër".
Ajo mund të dobësohet të enjten, sipas parashikimeve aktuale, por zyrtarët paralajmëruan se Florence ndoshta do të mbetej "një stuhi jashtëzakonisht e rrezikshme me anë të uljes së detit".
Guvernatorët e disa shteteve kanë shpallur tashmë gjendje të jashtëzakonshme.
Zyrtarët thanë se mbi një milion njerëz janë urdhëruar të evakuohen.
Presidenti i Shteteve të Bashkuara, Donald Trump, lëshoi po ashtu disa paralajmërime për uraganin Florence.
"Një nga stuhitë më të këqija në shumë vite do të godasë Bregun Lindor", tha Trump në njërin nga postimet e tij në Twitter.
Trump ka nënshkruar deklaratat e emergjencës për zonat e prekura. Ai ka paralajmëruar njerëzit të dëgjojnë udhëzimet e autoriteteve dhe të qëndrojnë në vende të sigurta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
