13 mijë dosje të biznesit në gjykata, Buxhuku: Situata e rëndë, udhëzimet janë zgjidhje nga e keqja

<p>Këshilli i Lartë Gjyqësor po përpiqet të zgjidhë problemin e zvarritjes së çështjeve për dhjetëra vite nëpër gjykata përmes dy udhëzimesh, të cilat synojnë klasifikimin dhe renditjen e dosjeve për shqyrtim.</p> <p>Kreu i Konfindrustrisë, Gjergj Buxhuku, tha në MCN Economy se strategjia është zgjidhje nga e keqja, për shkak të situatës së rëndë të krijuar. &nbsp;</p> <blockquote> <p><em>Situata është e rëndë. Është debatuar për ligjin për gjykatës administrative. Synohej që një çështje të trajtohej brenda 60 ditëve. Këto ishin praktikat perëndimore. Por nga dy muaj, ka përfunduar në 8 vjet. Që këtu e kuptojmë se situata është e rëndë. Këto zgjidhje janë zgjidhje nga e keqja. Në Administrative nuk shkojnë vetëm qytetarët, por bizneset dhe institucionet shtetërore. Fakti që jemi në këtë situatë dëshmon që ka dështuar. Zgjidhjet duhet të jenë themelore dhe jo ad-hoc. </em></p> <p><em>Këto çështje zënë edhe volum të madh. Por ne në Shqipëri e lëmë punën të trashet deri në atë pikë sa ngremë duart dhe themi nuk dimë çfarë të bëjmë. Çështja është që në momentin që ngre një institucion të kaq të rëndësishëm, duhet të marrësh të gjitha masat që kjo të shkojë mirë. </em></p> <p><em>Jemi në kushtet e një emergjence. Në emergjencë, vendimet janë të dëshpëruara. </em></p> <p>&nbsp;</p> </blockquote>