Pas ndryshimeve të bëra në Kodin e Procedurës Penale, tashmë dosja ‘Dosh-Frroku-Bami’, i ka kaluar për kompetencë Prokurorisë së Krimeve të Rënda.
Ky vendim është dhënë ditën e sotme nga Gjykata e Lartë, e cila ka arsyetuar se kjo dosje nuk mund të gjykohet më nga kjo gjykatë.
Dosja në fjalë ka të bëjë me atentatin e pretenduar nga deputeti Tom Doshi në vitin 2015, ku pjesë e kësaj është Mark Frroku dhe Durim Bami.
Por pas hetimeve të bërë në atë kohë, doli se ai kishte bërë kallëzim të rremë, për të cilin edhe u vu në pranga, për tu lënë i lirë pas disa ditësh.
Pas dosjes së ish-ministrit të Brendshëm Saimir Tahiri, Krimet e Rënda kanë marrë në dorë një tjetër dosje të rëndësishme, siç është kjo e Doshit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
