E mbyllur për herë të dytë gjatë një viti për shkak të masave anti-Covid, Kulla Eiffel do të rihapet për vizitorët më 16 dhjetor.
Autoritetet që menaxhojnë monumentin kanë njoftuar nëpërmjet një postimi në Twitter, se Kulla Eiffel do të rihapet për vizitorët dhe se rezervimet mund të bëhen si normalisht.
Do të vendoset një protokoll i rreptë shëndetësor, thuhet në njoftimin zyrtar, ndërkohë që detajet e tjera do të njoftohen në ditët në vijim.
Përflitet gjithashtu për një kufizim të numrit të vizitorëve, por është ende i papërcaktuar, po ashtu edhe intesifikim të dezinfektimit dhe pastrimit.
Në mbylljen e valës së parë, Kulla Eiffel u mbyll për 3 muaj, nga mesi i marsit deri në 25 qershor.
Pas rihapjes, vizitorët mund të ngjiteshin vetëm në këmbë për shkak të mungesës së ashensorëve në shtyllat anësore për arsye shëndetësore. Disa ditë më vonë, ashensorët gjithashtu rifilluan shërbimin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
