New York Times (NYT) ka tërhequr të gjithë korrespondentët e saj nga Rusia, duke shënuar herën e parë në më shumë se një shekull që gazeta nuk do të ketë asnjë gazetar në terren atje.
"Ditë shumë e trishtuar për historinë e @nytimes në Moskë. Duke tërhequr të gjithë korrespondentët e saj jashtë vendit. Kemi pasur gazetarë atje vazhdimisht që nga viti 1921, me një ose dy ndërprerje të shkurtra për shkak të vizave. Jo Stalini, jo Lufta e Ftohtë, asgjë nuk na dëboi”, shkroi Neil MacFarquhar, një ish shef i zyrës së NYT në Moskë.
Gazeta njoftoi tërheqjen e saj zyrtare nga Rusia në një deklaratë të martën, duke cituar legjislacionin e ri që synon të kriminalizojë gazetarët që raportojnë për pushtimin e Moskës në Ukrainë, duke nxjerrë jashtë ligjit çdo referencë për "luftë".
"Legjislacioni i ri i Rusisë synon të kriminalizojë raportimin e pavarur dhe të saktë të lajmeve në lidhje me luftën kundër Ukrainës. Për sigurinë e stafit tonë redaktues që punon në rajon, ne po i zhvendosim ata jashtë vendit për momentin," tha zëdhënësja e New York Times Danielle Rhoades Ha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
