Ministrat e Jashtëm të BE do të diskutojnë situatën lidhur me dialogun Beograd-Prishtinë në një takim në Luksemburg të hënën, më 12 tetor, njofton Këshilli i BE. Pas takimit, përfaqësuesi Special i BE-së, Miroslav Lajçak, do të vizitojë Beogradin dhe Prishtinën.
Të hënën, Lajçak do të informojë krerët e diplomacisë së BE-së për herë të parë në mandatin e tij rreth asaj që është arritur deri më tani brenda dialogut të rinovuar midis Beogradit dhe Prishtinës.
Që nga rifillimi i dialogut në korrik të vitit 2020, tre takime të nivelit të lartë janë mbajtur midis presidentit serb, Aleksandar Vuçiç, dhe të ashtuquajturit kryeministër i Kosovës, Avdullah Hoti.
Janë mbajtur gjithashtu pesë raunde bisedimesh me ekspertë, të udhëhequr nga negociatorët kryesorë, Marko Gjuriç dhe Skënder Hyseni.
Pas progresit fillestar mbi çështjen e personave të zhdukur dhe çështjeve ekonomike, dialogu aktualisht po përballet, siç vlerëson BE, me një çështje sfiduese të Komunitetit të Komunave Serbe.
BE thekson se ambicia dhe mandati i tyre është të bien dakord mbi një tekst që përvijon një zgjidhje gjithëpërfshirëse për të gjitha çështjet e hapura që do të mbyllen njëherë e përgjithmonë.
Shtohet se marrëveshja përfundimtare është "më shumë se një dokument politik" dhe se ajo duhet të jetë e zbatueshme dhe e qëndrueshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
