Fatmir Xhafaj ka dalë para mediave në cilësinë e një prej figurave më të rëndësishme të punës për reformën në drejtësi. Ish-kreu i Komisionit të Reformës në Drejtësi shprehu gatishmërinë e maxhorancës për zbatimin e reformës së miratuar plotësisht me votimin e vetingut. “Jemi të vendosur të vazhdojmë me zbatimin e reformës në drejtësi. 25 qershori do të jetë dita që do të hapë epokën e shtetit të së drejtës në këtë vend”, tha Xhafaj.
Deputeti socialist foli edhe në cilësinë e ish-ministrit të Brendshëm. Xhafaj tha se Policia e Shtetit nuk duhet të përdoret si rrufepritëse e shkarkesave elektorale. Ai theksoi se përveç policisë në rastet e incidenteve elektorale, përgjegjësi të madhe ka edhe prokuroria, e cila duhet të zbardhë të gjitha rastet.
“Policia nuk të bën forcë e parë dhe as nuk të pengon të bëhesh forcë e parë. Policia nuk mund të shërbejë si rrufepritëse ndaj shkarkesave elektorale. Disa deklarime janë antikushtetuese dhe në shkelje të ligjit dënon çdo akt dhune në procesin zgjedhor. Policia ka rolin e saj parandalues, port ë njëjtin rol ka prokuroria. Askush nuk kërkon hesap ndaj prokurorëve që kanë përgjegjësinë e zbardhjes së këtyre ngjarjeve. Prokurorët nuk kanë pse të mbyllen në kuvlitë e tyre, port ë merren me prioritet me këto lloj veprash penale, nëse janë të tilla. Vlerësoj rolin e zotit Çako në këtë proces. Mesazhet e tij kanë qenë shumë profesionale”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
