Parlamenti i Maqedonisë së Veriut ka votuar riformatimin e qeverisë.
Ligjivënësit u kanë hapur dritën jeshile propozimeve të kryeministrit maqedonas, Zoran Zaev, për të emëruar Trajan Dimkovskin si ministër të Bujqësisë, Naser Nuredinin për Mjedis Jetësor, Hysni Ismailin si ministër të Kulturës, Goran Milevskin për Pushtet Lokal dhe Sadulla Durakun për Sistem Politik dhe Marrëdhënie mes bashkësive.
Kryeministri Zaev ka tërhequr emërimin e kandidatit për ministër Financash pasi Komisioni Anti-Korrupsion tha se një gjë e tillë paraqet konflikt interesi.
Riformatimi i Qeverisë pason të ashtuquajturin procesi “Fshesa”, të cilin proces kryeministri Zaev e kishte paralajmëruar gjatë fushatës për zgjedhjet presidenciale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
