Prokuroria e Fierit ka shpallur moskompetencën dhe i ka përcjellë SPAK-ut dosjen e kompanisë Bankers.
Lajmi konfirmohet nga burime të MCN Tv në Prokurorinë e Fierit.
Mësohet se në kuadër të hetimeve janë zbuluar lidhje të zyrtarëve të lartë dhe përfshirje në këtë çështje.
Nga këqyrja e celularëve të arrestuarve ka dalë në pah se ka elementë që të çojnë në grup të strukturuar kriminal.
Prokuroria e Fierit ndërmori aksionin kundër Bankers më 2 korrik 2025 pas një hetimi 6 mujor në bashkëpunim me Tatimet dhe Policinë, duke ekzekutuar 10 masa sigurie dhe shpallur në kërkim 4 të huaj.
Prokuroria ngriti 5 akuza: Krijimi i skemave mashtruese lidhur me TVSH-në, fshehje e të ardhurave, pastrim i parave, shpërdorim detyre dhe moskryerje e detyrave nga organet tatimore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
