Një cunami i vogël u vëzhgua në zonat përgjatë bregut të Paqësorit të Japonisë në orët e para të mëngjesit të së dielës, pas tërmetit me magnitudë 7.6 ballë të së shtunës në një ishull jugor të Filipineve, tha agjencia japoneze e motit.
Cunami deri në 40 centimetra në lartësi u matën në ishullin Hachijo në zinxhirin Izu pranë Tokios dhe deri në 20 cm për disa ishuj të tjerë në zinxhir, ndërsa rritje prej 20 cm u panë gjithashtu në zonat bregdetare të prefekturave Wakayama dhe Kochi në Japoninë perëndimore.
Agjencia hoqi të gjitha alarmet për cunami në mëngjes. Sipas Agjencisë japoneze të Menaxhimit të Zjarrit dhe Fatkeqësive, deri më tani nuk ka raportime për të lënduar.
Tërmeti goditi brigjet lindore të Mindanaos në orën 23:37 të së shtunës, me epiqendër në një thellësi prej 32.8 kilometrash, sipas Shërbimit Gjeologjik të SHBA.
Sipas agjencisë japoneze të motit, një cunami deri në 10 cm është vërejtur në zonat bregdetare të prefekturave Chiba, Shizuoka dhe Tokushima.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
