Shirat e dendur shkaktojnë rrëshqitje dheu dhe shembje ndërtesash, 36 të vdekur në Pakistan

Shirat e dendur të cilët përfshin Pakistanin kanë shkaktuar të paktën 36 të vdekur dhe 50 të plagosur, duke shembur shtëpi dhe shkaktuar rrëshqitje dheu të cilat bllokuan rrugët, veçanërisht në veriperëndim, njoftuan autoritetet të dielën.

Kryesisht gra dhe fëmijë ishin në mesin e 30 personave që vdiqën në incidentet e lidhura me shiun në luginën piktoreske Swat, distriktin Khyber dhe në provincën Khyber Pakhtunkhëa në kufi me Afganistanin që nga e enjtja mbrëma, tha autoriteti provincial i menaxhimit të fatkeqësive.

Pesë persona humbën jetën në provincën jugperëndimore të Baluchistanit pasi përmbytjet përfshin qytetin bregdetar Gwadar, duke i detyruar autoritetet të përdorin varka për të evakuuar njerëzit.

Sarfraz Bugti, kryeministri në Baluchistan, tha të dielën se 700 shtëpi ishin dëmtuar.

Autoritetet po dërgonin ndihma emergjente dhe makineri të rënda për të hequr mbeturinat që bllokonin autostradat.

Autostrada Karakoram e vendit, e cila lidh Pakistanin me Kinën, ishte e bllokuar në disa vende për shkak të rrëshqitjeve të dheut të shkaktuara nga shiu dhe bora, sipas zëdhënësit për rajonin verior Gilgit Baltistan, Faizullah Faraq.

Ai tha se reshjet e borës ishin jashtëzakonisht të mëdha për këtë periudhë të vitit.

Autoritetet këshilluan turistët të mos udhëtonin në veriun piktoresk për shkak të kushteve të motit. Javën e kaluar, disa vizitorë mbetën të bllokuar atje për shkak të shirave të dendur.

Pakistani këtë vit ka dëshmuar një vonesë të reshjeve të dimrit, të cilat filluan në shkurt në vend të nëntorit. Shirat e musonit dhe të dimrit shkaktojnë dëme në Pakistan çdo vit.

Në vitin 2022, reshjet e paprecedentë dhe përmbytjet shkatërruan shumë pjesë të Pakistanit, duke vrarë më shumë se 1739 persona, duke prekur rreth 33 milionë dhe duke zhvendosur afro 8 milionë njerëz. Fatkeqësia shkaktoi gjithashtu miliarda dollarë dëme.