Komisariati Rajonal i Policisë Rrugore në Tiranë i është drejtuar Gjykatës Administrative me një padi, ku kërkon dëmshpërblim ndaj ish-drejtuesit Ervin Hasrama.
Padia e Rrugores tashmë ka përfunduar në Apel, ndërsa në materialin që disponon MCN Tv, thuhet se ish-drejtuesi Hasrama i ka shkaktuar një dëm prej 175.376 lekë Komisariatit. Cila është arsyeja? Shkaku që e ka detyruar Koisariatin e Policisë Rrugore t’i drejtohet Gjykatës kundër ish-drejtuesit, është mosplotësimi i fletë-udhëtimeve për mjetin tip “Chervolet me targë Policie 2035 për periudhën Janar-Prill 2017. Periudhë kjo, që Hasrama ka mbajtur postin e drejtuesit të Komisariatit të Policisë Rrugore.
“Objekti: Detyrimin e të paditurit të shpërblejë paditësin për dëmin e shkaktuar në vlerën prej 175.376 lekë, për shkak të mosplotësimit të fletë-udhëtimit për mjetin Chevrolet me targë Policie 2035 për periudhën Janar-Prill 2017”, thuhet në objekt-padinë e Komisariatit Rrugor të Tiranës.
Çështja në fjalë është shqyrtuar nga gjyqtarja Rilinda Selimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
