Një i ri italian ka ndërruar jetë pas 36 orësh agoni që pasoi plagosjen e rëndë në një lokal nate nga një shqiptar. Emanuele Morganti, 21 vjeç, ishte në gjendje të rëndë që prej të premtes mbrëma, kur u plagos rënë në Alatri.
Gjithçka ka nisur para banakur të një lokali nate, ku i riu ka qenë së bashku me të dashurën e tij. Një shqiptar e ka ngacmuar këtë të fundit dhe mes dy djemve ka nisur një sherr. Pasi rojet e sigurisë i kanë nxjerrë jashtë të dy, në ndihmë të shqiptarit kanë ardhur një grup shokësh, ndërsa konflikti ka marrë përmasa më të mëdha.
21-vjeçari është qëlluar me një hekur në kokë, çka i ka shkaktuar thyerje të frakturës. Atij i është dhënë ndihma e parë në spitalin e zonës, por për shkak të gjendjes së rëndë është transportuar në Romë. Por edhe ndihma e specializuar nuk i ka shpëtuar jetën. Ndërkohë, në polici janë shoqëruar dhjetëra të pranishëm në vendin e ngjarjes, ndërsa autori shqiptar është në kërkim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
