SHBA njoftoi vendosjen e kufizimeve në lëvizjet e personelit të saj në Izrael si masë për arsye sigurie, në sfondin e shqetësimeve se do të ketë hakmarrje nga Irani për bombardimin e konsullatës iraniane në Siri.
“Si një masë paraprake, punonjësit e qeverisë amerikane dhe anëtarët e familjeve të tyre nuk lejohen të udhëtojnë jashtë zonave të Tel Avivit, Jerusalemit dhe Beersheba deri në një njoftim të mëtejshëm”, thuhet në një deklaratë të lëshuar nga ambasada amerikane në Jerusalem.
Ambasada e SHBA tha se stafit i ishte thënë të mos udhëtonte jashtë zonave të Jeruzalemit të madh, Tel Avivit ose Beer Shevës. Irani është zotuar të hakmerret pasi Izraeli goditi konsullatën iraniane në Siri 11 ditë më parë, duke vrarë 13 persona.
Sulmi erdhi në një kohë të përpjekjeve të vazhdueshme diplomatike për të parandaluar përhapjen e luftës në Gaza në të gjithë rajonin.
Duke folur të mërkurën, presidenti i SHBA, Joe Biden paralajmëroi se Irani po kërcënonte të nisë një “sulm të rëndësishëm” dhe u zotua të ofrojë mbështetje “të hekurt” për Izraelin.
Të dielën, një zyrtar iranian paralajmëroi se ambasadat e Izraelit “nuk ishin më të sigurta”, duke sugjeruar se një ndërtesë konsullate mund të ishte një objektiv i mundshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
