Parlamenti Evropian pritet të miratojë sot një rezolutë për marrëdhëniet ndërmjet Kosovës dhe Serbisë, si dhe për sulmin terrorist në fshatin Banjskë.
Rezoluta me 29 pika, e inicuar nga socialdemokratët dënon ashpër sulmin terrorist ndaj Policisë së Kosovës.
Raportuesja për Kosovën në Parlamentin Evropian, Viola von Cramon, një ditë më para deklaroi në një intervistë:
"Ne kemi pasur një diskutim të gjatë konstruktiv, në Parlamentin Evropian, ku pesë grupe kanë dalë me rezoluta dhe negociuam së bashku sa i përket tekstit të përbashkët për rezolutë, ku kemi dalë me një tekst të fortë e të japim jehonë ndaj Serbisë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
