Presidenti i Iranit Ebrahim Raisi tha të premten se vendi i tij nuk do të fillojë një luftë, por do t'i përgjigjet fuqishëm kujtdo që e ngacmon atë, raporton Reuters.
"Ne nuk do të fillojmë asnjë luftë, por nëse dikush dëshiron të na ngacmojë, do të marrë një përgjigje të fortë," tha Raisi në një fjalim televiziv.
Komentet e Raisit erdhën pas disa ditësh spekulimesh se si Uashingtoni mund të hakmerret pasi tre ushtarë amerikanë u vranë të shtunën e kaluar në një sulm në bazën e tyre në Jordani nga një grup i mbështetur nga Irani.
CBS News, duke cituar zyrtarë amerikanë, raportoi të enjten se SHBA kishte miratuar plane për sulme shumëditore në Irak dhe Siri kundër objektivave të shumtë, duke përfshirë personelin dhe objektet iraniane në ato vende.
“Më parë, kur ata [SHBA] donin të flisnin me ne, ata thanë se opsioni ushtarak është në tryezë. Tani ata thonë se nuk kanë ndërmend një konflikt me Iranin”, tha Raisi.
“Fuqia ushtarake e Republikës Islamike në rajon nuk është dhe nuk ka qenë kurrë një kërcënim për asnjë vend. Përkundrazi, ajo siguron sigurinë tek e cila vendet e rajonit mund të mbështeten dhe të kenë besim”, shtoi Raisi.
SHBA-ja ka vlerësuar se droni që vrau tre ushtarë të saj dhe gjithashtu plagosi më shumë se 40 persona të tjerë, ishte prodhuar nga Irani.
Burimet i thanë agjencisë së lajmeve se Garda Revolucionare e Iranit po tërhiqte oficerë të lartë nga Siria.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
