Në studion e lajmeve të MCN TV, ekspertja e komunikimit, Irsa Ruçi, tha se një kthesë në politikat arsimore është domosdoshmëri. Ruçi u pyet për një valë shkarkimesh në Drejtoritë Arsimore një muaj më parë, masë e cila sipas saj është joproduktive.
Uroj që një masë e tillë të mos vijë për shkak të reformës në drejtësi, të mos i ketë prekur SPAK-u, uroj të mos jetë kjo. E shikoj joproduktiv faktin që shkarkohen në mënyrë të menjëhershme në bllok, përgjegjësitë duhet të ndahen. Duhen ndryshuar politikat me të cilat ne i qasemi arsimit dhe jo vetëm emrat. Gjithkush duhet të mbajë përgjegjësitë e veta. Nëse pas dy vitesh kupton që kanë prodhuar politika joeficiente, atëherë përgjegjësia shkon deri te ministrja.
Ruçi tha më tej se administrata është e pafuqishme, pasi është kthyer thjesht në zbatuese të vendimeve, pa fuqi vendimmarrëse.
Nuk po qeveris më PS, po qeverisin një grusht njerëzish që kanë shtrirë duart në të gjithë administratën. Kjo e fundit funksionon pa fuqinë që duhej të kishte. Nuk ka fuqinë për vendimmarrje në realitet dhe në letra.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
