Deputeti Meto Zenka, ish-ministër i Pakicave në Mal të Zi, rrëzimin e qeverisë së Dritan Abazoviç pas 115 ditësh në qeveri, e shpjegon me nënshkrimin e kontratës me kishën serbe.
Ai tha për MCN TV se në mënyrë ilegale patriarku i kishës serbe hyri në Mal të Zi dhe se nënshkrimi i kësaj kontrate i jep një status eksterritorial kishës serbe në Mal të Zi.
Nënshkrimet me komunitetet fetare i kam bërë me ministrinë që udhëheq. Zoti Abazoviç ka qejf ta quaj veten si shqiptar këto dy ditët e fundit se gjithë kohës e ka quajtur veten kozmopolit.
Nëse Abazoviç e quan veten shqiptar, pse e gjeti veten në banketet serbe që kërkojnë gjak shqiptari dhe Kosovën që ti kthehet Serbisë. Tani është kujtuar Abazoviç që është shqiptar.
Subjektet politike shqiptare nuk merren me interesat e Abazoviç. Ne merremi me problemet e shqiptarëve në Malin e Zi. Mali i Zi është në dy krahë i ndarë, krahu pro serb, dhe krahu i Gjukanoviç që e pranon Kosovën dhe e ka kyçur Malin e Zi në NATO.
Nuk ishte e rëndësishme vota e pakicës për nga numri. Rëndësi kishte që shqiptarët ta shohin se me këto nënshkrime dhe Ballkanin e Hapur, janë të rrezikuara interesat e shqiptarëve në Malin e Zi dhe rajon.
Ne ishim një zë që donim të thoshim se i përkasim marrëdhënieve pro-europiane dhe jo pro serbe dhe pro-ruse.
Ndër të tjera Zenka u shpreh 100% dakord me deklaratën e ish-Kryeministrit Sali Berisha, i cili u shpreh Abazoviçit i rëndoi bishti më rëndë se koka kur u rreshtua me Presidentin e serbomadhisë ultranacionalistin Vuçiç dhe vasalin e këtij të fundit Edi Rama në nismën e Ballkanit të Hapur, projekt që i kundërvihet nismës së Berlinit dhe vendos hegjemoninë serbe dhe influencën ruse në rajon.
Po ashtu ai pohoi se marrëveshja e Abazoviçit me kishën serbe u dëshmua për atë si puthja me Judën dha ai mbrëmë u shkarkua me të drejtë nga Parlamenti i Malit të Zi si kryeministër i vendit fqinj.
Kjo i dha goditjen përfundimtare, as nuk kisha për t’i shtuar apo hequr asgjë nga ajo që ka deklaruar doktor Berisha, pajtohem 100% me atë deklaratë. Sikur të ishte dhe ai në Mal të Zi dhe ta përcillte direkt situatën që ka ndodhur muajt e fundit.
Një deklaratë e tillë tregon se politika se Shqipërisë, veçanërisht e Berishës, e përcjell realitetin në mënyrë të përpiktë. Shqiptarët u ndjenë keq për vetë faktin se Abazoviç rrjedh nga një familje shqiptare.
Sepse nuk iu ka pëlqyer sjellja e Abazoviç, e cila nuk ka qenë vetëm anti-malazeze. Në Malin e Zi ka pasur edhe politikë anti-shqiptare viteve të fundit që të radikalizohen marrëdhëniet shqiptaro-malazeze. Ka qenë një grackë që shqiptarët në Malin e Zi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
