Begaj takon Ramën në Kryeministri: Do jem në lartësinë e detyrës së Presidentit (VIDEO)

Kreu i qeverisë Edi Rama ka pritur sot në mbrëmje në Kryeministri  kandidatin e propozuar nga PS për President, Bajram Begaj.

Rama i tha Begajt se do jetë nder për socialistët që ta votojnë për President, ndërsa shefi i shtabit të përgjithshëm të FA u shpreh i bindur se do të jetë në lartësinë e detyrës.

Begaj tha:

Është vlerësim shumë i madh të jesh President i një vendi. Natyrisht do përpiqem të jem personi i duhur. Do jem në lartësinë e detyrës dhe i përgjegjshëm në kryerjen e saj. Vij nga ushtria dhe mjekësia, dy profesione të mira dhe të përkushtuara. Besoj se detyrën do jem i lumtur ta kryej me nder”.

Rama u shpreh:

Ne kemi bindjen se do të jeni në lartësinë e detyrës. Kam pasur mundësinë ta çmoj punën që keni bërë si shef i shtabit”.

Sjellim në vëmendje që emri i Begajt pritet të votohet nesër në Kuvend. Në raundin e katërt Presidenti i Republikës mund të zgjidhet me shumicë të thjeshtë, pra me 71 vota.