Zëvendëskryeministri i Kosovës, Besnik Bislimi, tha që Kosova duhet të jetë gati për luftë. Në një intervistë për median ukrainase “European Pravda” ai tha se një luftë konvencionale aktualisht është e pamundur. Megjithatë Bislimi vuri në dukje se sulmi në Banjskë është shembull që tregon se gjithmonë mund të fillohet ndonjë sulm, e sipas tij, Kosova duhet të jetë gati për luftë.
“Ne duhet të jemi gati për luftë. Por, një luftë konvencionale është e pamundur tani, pasi ne jemi të mbrojtur nga paqeruajtësit e KFOR-it. Megjithatë, siç ka treguar shembulli i Banjskës, një sulm hibrid gjithmonë mund të fillohet kundër nesh – dhe ne duhet të përgatitemi që kjo të ndodhë përsëri në çdo kohë”, tha ai.
Bislimi thotë se është e rëndësishme që “Perëndimi pajtohet me provat se sulmi në Banjskë i kishte rrënjët në lidershipin e lartë të Serbisë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
