Pheniani duhet të jetë i përgatitur për ta pushtuar territorin e Koresë së Jugut në rast të një “emergjence”, ka thënë udhëheqësi i Koresë së Veriut, Kim Jong-un.
Në një fjalim për të shënuar 76-vjetorin e themelimit të Ushtrisë së Koresë së Veriut të premten, Kim vlerësoi ushtrinë për "mbrojtjen e vendosur të sovranitetit dhe dinjitetit të vendit" nga "kërcënimet ushtarake imperialiste, shantazhet dhe rreziku i luftës".
Duke komentuar marrëdhëniet gjithnjë e më të tensionuara me Seulin, udhëheqësi i Koresë së Veriut tha se vendi i tij “i konsideron kukullat e Koresë së Jugut si armikun më të dëmshëm dhe të pandryshueshëm" të Phenianit.
Në këtë sfond, Kim deklaroi se në rast të një "emergjence", politikëbërësit e Koresë së Veriut "kishin marrë një vendim kombëtar për të pushtuar territorin e Koresë së Jugut”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
