OBSH: Vaksina e koronavirusit nuk do të jetë gati këtë vit

Vaksina kundër koronavirusit, pavarësisht disa sinjaleve pozitive, duket se këtë vit nuk do ta kemi.

Lajmi është konfirmuar nga kreu i programit të emergjencave në OBSH, Mike Ryan, i cili pohoj se vaksina nuk duhet pritur para vitit 2021.

“Po bëjmë progres, por që të jemi realistë, vaksina duhet pritur në muajt e parë të vitit të ardhshëm. Duhet të jemi të drejtë me vaksinën sepse është një e mirë globale. Vaksinat nuk janë për të pasurit dhe nuk janë për të varfërit. Vaksinat janë për të gjithë”, tha Ryan.

Megjithatë ai theksoi se disa vaksina janë në fazën e tretë të testimit dhe asnjëra prej tyre nuk ka dështuar deri tani përsa i përket sigurisë dhe aftësisë për të gjeneruar imunitet.