Situata e rëndë e gjendjes shëndetësore dhe psikologjike në Policinë e Burgjeve, vazhon të marrë jetët e punonjësve.
Dje, përgjatë shërbimit në turnin e 3-të në burgun e Shënkollit, i ndjeri Gjovalin Frroku, ka kërkuar ndihmën e urgjencës për shkak te problemeve ne zemër dhe dërgimin në spitalin e Lezhës.
Valentin Macaj, kreu i Sindikatës në Policinë e Burgjeve, bëri të ditur në një komunikim për “MCn live”, se i ndjeri, me gjithë kërkesën për të shkuar në spital, deri në përfundim të turnit, në ora 7, nuk është lëjuar të shkoj për trajtim shëndetësor.
Rasti në fjalë, punonjësi i ndjerë, ka qenë në turnin e tretë, dhe rreth orës 03 të mëngjesit, ka kërkuar ndihmë, se nuk është ndjerë mirë. I është matur tensioni, i është bërë injeksion, ka kërkuar të shkoj në urgjencë për kontrolle më të specializuar, mirëpo eprorët e tij nuk e kanë lejuar të dal deri në përfundim të turnit, dhe më pas ne ora 7 një koleg me makinë e tij private e ka dërguar në Lezhë, më pas ata e kanë drejtuar për Tiranë, ku dhe gjatë rrugës ka ndërruar jetë.
Këtu bëhen rregullore për tu hequr kushtet e punës punëtorëve dhe nuk bëhen rregullore si të trajtohen rastet emergjente në kushte pune.
Mungon rregullorja për raste të tilla, nuk kemi as humanizëm.
Sipas Macaj, ky nuk është rasti i vetëm i vdekjes së punëtorëve në vendin e punës, ndërkohë që mungon edhe një kuti e vetme e ndihmës së parë për shërbim emergjent.
Eprorët duhet të japin përgjegjësi, ne si sindikatë kemi kërkuar zgjidhje, nuk është ky i vetmi që po vdes. Vdekjet dhe problemet shëndetësore nuk kane të sosur në Policinë e Burgjeve dhe punonjësit me te drejte kërkojnë qe sa me pare te reagojmë me Proteste para institucioneve ne bulevardin e Tiranës.
Kjo gjendje është paralajmëruar me kohe nga Sindikata, por siç duket ka me shume rendësi politika e ditës, sesa jeta e punonjësit. Mungesa e mjekut te punës sipas ligjit, mungesa e trajtimit ushqimor, mungesa e uniformave, pagat e ulëta dhe demotivimi ne shërbim, po sjellin pasoja te renda!
Sindikata do shpalle datën e protestës dhe vendin ku do zhvillohet ajo. Dikush duhet dhe do mbaje përgjegjësi për situatën e rëndë që vazhdon prej vitesh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
