Presidenti turk Rexhep Tajip Erdogan diskuton luftën Izrael-Hamas me Papa Françeskun, duke i thënë kreut të Kishës Katolike se sulmet e Izraelit në Gaza kanë “arritur në nivelin e një masakre” dhe se heshtja e komunitetit ndërkombëtar ishte një “turp për njerëzimin”.
Erdogan citohet gjithashtu t’i ketë thënë Papa Françeskut gjatë bisedës së tyre telefonike se të gjithë duhet të mbështesin përpjekjet për të ofruar “ndihmë të pandërprerë për civilët e pafajshëm” në Gaza.
Deklarata nga drejtoria e komunikimit presidencial të Turqisë u postua në X, i njohur më parë si Twitter.
Erdogan përsërit qëndrimin e Turqisë se një zgjidhje e përhershme e konfliktit mund të arrihet vetëm përmes krijimit të një shteti të pavarur palestinez.
Udhëheqësi turk, vendi i të cilit kohët e fundit rehabilitoi marrëdhëniet me Izraelin, ka rritur tonin e kritikave të tij ndaj veprimeve ushtarake të Izraelit në Gaza.
Një ditë më parë Erdogan e përshkroi Hamasin si një grup që lufton për çlirim dhe jo një organizatë terroriste, siç është përcaktuar nga Perëndimi.
Ai tha gjithashtu se ka anuluar planet për të vizituar Izraelin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
