Republikani Mike Johnson, i mbështetur nga Donald Trump, është zgjedhur kryetar i Dhomës së Përfaqësuesve në SHBA.
Johnson siguroi 218 vota, ndërsa demokrati Hakeem Jeffries siguroi 215 vota.
Mike Johnson siguroi fitoren pasi bindi dy anëtarë të partisë që e kishin kundërshtuar fillimisht në raundin e parë.
Republikanët e kontrollojnë Dhomën e Përfaqësuesve me një shumicë të ngushtë.
Në një postim në mediat sociale këtë pasdite, Trump përgëzoi Johnson për "marrjen e një votbesimi të paprecedentë në Kongres".
Trump tha se Johnson do të jetë një drejtues dhe spiker i shkëlqyer, duke shtuar SHBA do të përfitojnë nga lidershipi i tij.
"Populli i Amerikës ka pritur katër vjet për një arsye të shëndoshë dhe lidership" shkroi Trump në Truth Social. "Tanimë do ta marrin dhe Amerika do të jetë më madhështore se kurrë!"
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
