Udhëheqësi i Koresë së Veriut Kim Jong-un mbajti një fjalim gjatë paradës ushtarake të mbajtur dje në mbrëmje, duke u zotuar të rrisë arsenalin bërthamor të vendit.
“Ne do të vazhdojmë të ndërmarrim hapa për të forcuar dhe zhvilluar aftësitë bërthamore të vendit tonë me ritëm më të shpejtë”, tha ai, duke shtuar se forcat e tyre bërthamore “duhet të jenë të gatshme për t'u ushtruar në çdo kohë”.
Në paradën e zhvilluar në Korenë e Veriut u shfaqën edhe raketa balistike ndërkontinentale të ndaluara. Kujtojmë që SHBA ka vendosur sanksione ndaj Koresë së Veriut, e cila që prej vitit 2017 ka testuar raketa balistike me rreze të shkurtër veprimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
