Prokuroria i kërkon KQZ-së, t’i heqë brenda ditës së sotme mandatin deputetit Prenga. Njoftimi i Prokurorisë së Përgjithshme thekson: “KQZ duhet t’i ndërpresë menjëherë mandatin deputetit socialist Armando Prenga. Ky i fundit nuk ka respektuar kërkesat e ligjit për plotësimin e të dhënave, duke mos deklaruar, më së pari, një dënim të formës së prerë nga Gjykata e Kurbinit, si edhe precedentët penalë në Itali. Sipas Vendimit te Kuvendit nr.17/2016, mosplotësimi i te dhënave “….passjell përjashtimin e menjëhershëm nga funksioni publik….”. Pra, vetem duke u mbështetur ne faktin qe ka nje vendim penal te padeklaruar (te gjykatës se Kurbinit), deputetit duhet t’i ndërpritet mandati. Prokuroria e Përgjithshme ka dërguar përgjigjen ditën e sotme për t’i dhënë mundësinë KQZ-së që të shqyrtojë brenda afatit ligjor vendimin e Prokurorisë për konstatimin për ndërprerje të mandatit të deputetit Prenga”. Sipas prokurorisë afati ligjor i KQZ për të shqyrtuar vendimin e Prokurorisë është brenda 10 ditëve nga vendimmarrja e Prokurorisë. Meqë Prokuroria e Përgjithshme ka marrë vendim për konstatimin e ndërprerjes se mandatit te deputetit Prenga ne dt.15.02.2017 atëherë sot KQZ duhet të marrë vendim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
