Shpallet gjendja e emergjencës fitosanitare në shtetet Amapa, Amazonas, Para dhe Roraima, në Brazil, për shkak të mizës Bactrocera Carambolae, e cilësuar ndër parazitët më të rrezikshëm të frutave në botë.
Qëllimi i Ministrisë së Bujqësisë është të parandalojë lëvizjen e insektit nga plantacionet në veri të vendit drejt luginës së Rio Sao Francisco, zona kryesore e kultivimit të frutave për eksport, duke shkaktuar bllokimin e shitjeve jashtë vendit dhe për rrjedhojë humbje të mëdha ekonomike.
Është një mizë frutore me origjinë nga Indonezia e cila është quajtur edhe “miza e mallkuar” për shkak të aftësive të saj shkatërruese. Insekti nuk ka armiq natyralë që kontrollojnë përhapjen e tij dhe është i aftë të sulmojë lloje të ndryshme frutash si mango, guava, acerola, mandarina, shqeme, pitanga dhe portokallie si dhe frutat tipike Amazoniane si tapereba, biriba, ajuru, abiu, ndihmoi gjithashtu shpejtësinë e riprodhimit të tij.
Prania e saj arrin të gjenerojë humbje të mëdha në plantacione, duke dëmtuar të ardhurat e fermerëve, eksportet e frutave dhe jetesën e komuniteteve. Gjendja e jashtëzakonshme, e aktivizuar sa herë që shfaqet një rrezik epidemie, u jep autoriteteve më shumë kompetenca për të organizuar kontrolle dhe për të bërë plane specifike për të luftuar kërcënimin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
