Një punëtor ndërtimi ka ndërruar jetë në Shëngjin, teksa po punonte.
A. L. 45-vjeç nga Kallmeti, ka rënë nga skela teksa po punonte në një pallat në zonën e Kunës në Shëngjin.
Ai ka rënë nga skela e pallatit duke marrë dëmtime të rëndë në trup.
Fatkeqësisht punëtori humbi jetën rrugës për në spitalin e Lezhës.
Lezhë / Informacion paraprak
Rreth orës 08:00, në Shëngjin, në Kune, shtetasi A. L. 45 vjeç, banues në Kallmet, duke punuar në një objekt në ndërtim e sipër, dyshohet se ka rënë aksidentalisht nga lartësia dhe si pasojë e dëmtimeve fizike të marra, ka ndërruar jetë.
Shërbimet e Policisë kanë shoqëruar në ambientet e Policisë për veprime të mëtejshme proceduriale administratorin e firmës që po kryen punimet në këtë objekt, shtetasin A. K.
Gjithashtu, grupi hetimor vazhdon veprimet verifikuese hetimore në lidhje me zbatimin e rregullave teknike në punë dhe të dokumentacioneve, me qëllim sqarimin e plotë të rrethanava të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
