Trump-Kanadasë: Himnin mund ta mbani po të doni

<p>Presidenti amerikan, Donald Trump, thotë se Kanadaja mund ta mbajë himnin e saj kombëtar kur të bashkohet me Shtetet e Bashkuara. Shakaja e Trump erdhi në takimin e Shoqatës së Guvernatorëve Republikanë në Uashington DC të enjten.</p> <p>Trump ka hedhur vazhdimisht idenë e përfshirjes së Kanadasë në SHBA duke sjellë si argument varësinë prej.</p> <p>“Ne do të duhet të arrijmë një marrëveshje… sepse mua më pëlqen “O Canada” në rregull”, tha Trump, duke iu referuar himnit. “Është një gjë e bukur. Unë mendoj se ne do të duhet ta mbajmë atë për shtetin e 51-të.”</p> <p>Otava e ka hedhur poshtë vazhdimisht idenë e përfshirjes së vendit në SHBA, ndërsa kryeministri kanadez në largim, Justin Trudeau, thotë se ideja e Trump nuk është e re.</p> <p>Trump e bëri këtë batutë teksa iu referua mosmarrëveshjes tregtare mes dy vendeve.</p> <p>“Kanadaja do të duhet të paguajë tarifa për automobilat, lëndën drusore, naftën dhe gazin, etj., Ata marrin 95% të produktit të tyre nga Shtetet e Bashkuara. Unë mendoj se ata do të duhet të bëhen shteti i 51-të”, ka argumentuar presidenti amerikan.</p> <p>Në fillim të këtij muaji, Otava vendosi tarifa 25% për mallrat amerikane si hakmarrje për taksat e Uashingtonit për të gjitha prodhimet kanadeze që ishin futur për shqetësimet në lidhje me imigracionin e paligjshëm dhe trafikun e drogës. Të përballur me një luftë tregtare të afërt, Uashingtoni dhe Otava kanë rënë dakord të shtyjnë zbatimin e tarifave deri më 4 mars.</p>