Policia e Shtetit ka nisur një tjetër operacion masiv me qëllim goditjen e grupeve kriminale që merren me kultivimin dhe trafikimin e kanabisit.
Rreth 4150 punonjës policie dhe të FNSH-së janë përfshirë në këtë operacion masiv, i cili ka nisur që prej ditës së sotme rreth orës 16:00 dhe do vijojë disa ditë rresht.
Sipas njoftimit të policisë, operacioni do të zhvillohet si nga toka ashtu edhe nga ajri.
Operacioni synon kontroll të imtësishëm të gjitha serave, depove, magazinave, ambjenteve dhe shtëpive të braktisura, tuneleve e ish-reparte ushtarake. Kontrollet do përqendrohen në çdo vend ku përgjatë 10 viteve të fundit është evidentuar kultivim i bimëve narkotike.
Po ashtu kontrollet nga ajri do përqendrohen në zonat malore e të thepisura.
Në kontrollet nga ajri do përfshihet FNSH ku do kontrollohet çdo stan e parcelë që gjatë 10 viteve të kaluara ka pasur bimë narkotike të kultivuara .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
