Egnatia u rikthye te fitorja në kampionat, teksa mposhti 2-1 Laçin, në ndeshjen e vlefshme për javën e pestë në Superiore.
Në minutën e 10-të, ishte i përhershmi, Raphael Dwamena, i cili zhbllokoi sfidën.
Sulmuesi kontrolloi mirë një top të marrë në zonë dhe ia doli ta dërgojë në fundin e rrjetës.
Nuk mungoi as reagimi i Laçit, me kurbinasit që krijuan disa raste, por pa arritur të shënojnë.
Një pjesë e dytë spektakolare më pas, me Egnatian që shënoi të dytin me Spahiun në minutën e 57-të, ndërsa kurbinasit ngushtuan diferencat në minutën e 84-t, falë një autogoli të Malotës.
Skuadra e Bejzade kishte edhe raste të tjera, por nuk ia doli të barazojë. Me këtë fitore, Egnatia ngjitet në vendin e parë me 10 pikë, po aq sa edhe Tirana, ndërsa Laçi mban vendin e pestë me 7 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
