Rrëshqitja dhe bllokimi i aksit kombëtar Librazhd–Prrenjas po kufizon lëvizjen në juglindjen e Shqipërisë, duke rritur kostot e transportit dhe vështirësuar funksionimin e bizneseve.
Sektori i turizmit, transportit dhe tregtisë është ndër më të prekurit, ndërsa devijimet drejt rrugëve alternative rrisin rrezikun për sigurinë rrugore.
Shoqëria civile e Qarkut Korçë kërkon ndërhyrje urgjente nga Ministria e Infrastrukturës dhe Energjisë dhe Autoriteti Rrugor Shqiptar, për përmirësimin e akseve alternative, masa lehtësuese ekonomike dhe garanci për furnizim të pandërprerë me mallra dhe karburant.
Ata paralajmërojnë një protestë ditën e hënë nëse nuk merren masa, teksa theksojnë se Qarku Korçë përbën një nyje të rëndësishme ekonomike dhe ndërkufitare për vendin dhe se bllokimi i këtij aksi nuk është thjesht një problem rajonal, por një çështje me impakt kombëtar që kërkon zgjidhje të menjëhershme dhe transparente.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
