Moti i keq/ Ndalohet dalja në det e mjeteve të vogla lundruese dhe anijeve në Vlorë

 Reshjet e dendura të shiut, kanë bërë që mjetet e vogla lundruese dhe anijet e peshkimit në Vlorë do të ndalohet të vijojnë aktivitetin e tyre për shkak të përkeqësimit të motit.

Udhëtimi i këtyre mjeteve do të jetë i ndaluar deri në fund të muajit nëntor, ku pritet që të këtë edhe një përmirësim të kushteve të motit.

Nga ky urdhër ndalimi i lundrimit nuk janë prekur anijet e pasagjerëve apo anijet e tjera, të cilat nuk kanë asnjë kufizim.

“Në  bazë  të  parashikimit  për  situatën  hidrometeorologjike  të  përkeqësuar  në  gjirin  e  Vlorës  dhe  jashtë saj  për  ditët  në  vazhdim  në  datat  26,  27,  28,  29,  30.11. 

Në drejtimin Jug-JugLindje dhe Jug-JugPerëndim është forca 4-5 ballë brenda gjirit të Vlorës dhe jashtë gjirit të Vlorës në forcën 6-7 ballë ,10-15m/s deri në 7-8 ballë/ 15-20m/s dhe lartësi dallgë nga 1.50 deri 3.50 metra.

 Është ndaluar  dhënia  e  leje-nisjes  e  të  gjitha  mjeteve  të  vogla lundruese ,  anijeve të  peshkimit  që  operojnë jashtë gjirit të Vlorës. Anijet pasagjere dhe anijet e tjera nuk kane kufizime. Përmirësimi i situatës meteorologjike të përkeqësuar në gjiun e  Vlorës  dhe  jashtë  saj  për  mjetet  e  vogla lundruese  dhe  të peshkimit  do të  jetë  mbas  datës  30.11.2021  /  12:00”, thuhet në njoftimin e kapitenerisë së Vlorës.