Kryetari i grupit parlamentar të LSI-së, Luan Rama, shprehet i bindur se forca e tij politike do të dalë forcë e parë nga zgjedhjet e 25 qershorit. Në një prononcim për median nga kryesia e Kuvendit, Luan Rama tha se ishte presioni i LSI-së dhe ndërkombëtarëve që bëri të mundur arritjen e marrëveshjes mes kryeministrit Rama dhe kreut të PD-së, Basha.
“Mbetemi korrekt dhe seriozë për të ritheksuar mbështetjen e vazhdueshme për implementimin e marrëveshjes, se u bë ajo që u arrit falë presionit të LSI dhe ndërkombëtarëve.
Qeveri besimi me Ramën kryeministër dhe zgjedhje me praninë e opozitës. Kjo është ajo që kërkoi LSI. Ne besojmë se kjo marrëveshje do të jetë funksionale dhe do të ecë më tej. LSI do dalë forcë e pare, të tjerët pas nesh”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
