Një hajdut është penduar për vjedhjen e bërë dhe ka vendosur të korrigjojë gabimin e tij. Ngjarja ka ndodhur në Itali, në Pietra Ligure. Burri kishte vjedhur një sai të konsiderueshme parash në një portofol që dikush e kishte lëshuar pa kujdes në banakun e dyqanit, por më pas është penduar dhe ka vendosur të rrëfehet te prifti.
Pas rrëfimit, ai i ka dorëzuar priftit sasinë e parave dhe i ka treguar vendin se ku e kishte kryer vjedhjen. Prifti i është drejtuar policisë për të gjetur të zotin e parave, por pa i treguar identitetin e hajdutit.
E drejta kanonike në ligjet e kishës parashikon që priftërinjtë janë të detyruar të mbajnë sekret atë që u thuhet nga besimtarët gjatë rrëfimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
