Në pamundësi të shpërndarjes në hotelet dhe restorantet e mbyllura për shkak të kufizimeve të koronavirusit, një fabrikë birre gjermane të enjten dha rreth 2 600 litra birrë.
Në vend që ta hidhnin, pronarët e birrës “Willinger,” në shtetin perëndimor të Hesse, vendosën ta japin birrën e lehtë dhe atë të errët pa pagesë.
Pronari Franz Mast tha se ai kishte nevojë për të zbrazur tanket sa më shpejt të jetë e mundur për t'i mbushur ato përsëri me birrë të freskët për të qenë gati kur të jepet leja e hapjes.
Dhjetra njerëz qëndronin me durim në radhë jashtë birrarisë, të veshur maska dhe duke ruajtur distancimin shoqëror. Shumë kishin marrë kova e arka me vete nga shtëpia.
Shoqata e birrës “Deutsche Brauer Bund” ka paralajmëruar që prodhuesit e birrës po përballen me një kolaps në shitjen e saj për shkak të një rënie të eksporteve, veçanërisht në Kinë dhe Itali. Bllokimi në shtëpi, ndërkohë, ka lënë të mbyllur restorantet dhe baret dhe stadiumet e futbollit.
Birraria fillimisht kishte planifikuar të jepte 540 litra të enjten, por kjo sasi ishte zhdukur brenda disa orësh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
