Kryeministri i ri tranzicional i Sirisë të martën tha se ishte koha për "stabilitet dhe qetësi" në vend, dy ditë pasi presidenti prej kohësh Bashar al-Assad u rrëzua nga rebelët në një ofensivë rrufe.
Rebelët emëruan Mohammad al-Bashir si kreun kalimtar të qeverisë për të drejtuar vendin deri më 1 mars, thuhet në një deklaratë.
“Tani është koha që ky popull të gëzojë stabilitet dhe qetësi”, tha Bashir për televizionin Al Jazeera të Katarit në intervistën e tij të parë që nga emërimi.
Assad u largua nga Siria ndërsa një aleancë opozitare e udhëhequr nga islamistët u përfshi në kryeqytetin Damask gjatë fundjavës, duke i dhënë fund sundimit brutal prej pesë dekadash nga klani i tij.
Një zyrtar i lartë i tha transmetuesit amerikan NBC se udhëheqësi i rrëzuar sirian ndodhet tani në Moskë.
Abu Mohammed al-Jolani, udhëheqësi islamik që drejtoi ofensivën rebele, kishte njoftuar më parë bisedime për një transferim të pushtetit dhe u zotua të ndiqte ish-zyrtarët e lartë përgjegjës për torturën dhe krimet e luftës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
