Masa më të ashpra apo karantina e plotë mund të shmangen dhe një nga mënyrat e mundshme për ta arritur atë është që pothuajse të gjithë qytetarët të mbajnë maska.
Drejtori rajonal i Organizatës Botërore të Shëndetësisë (OBSH) për Evropën, Hans Kluge, në një konferencë për shtyp, tha se karantina duhet të jetë zgjidhja e fundit.
“Nëse 95% e qytetarëve do të mbanin maska, karantina nuk do të ishte e nevojshme”, theksoi ai.
Drejtori rajonal i OBSH-së për Evropën tha që shkollat fillore duhet të qëndrojnë të hapura dhe shtoi se fëmijët dhe adoleshentët nuk janë shkak i përhapjes së koronavirusit dhe se mbyllja e shkollave nuk është efikase, raporton Reuters.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
