Një 33-vjeçar britanik vdiq kur parashuta e tij nuk u hap pasi u hodh nga një gradaçel në Pattaya, një vendpushim i famshëm në Tajlandë.
Policia tha se mori informacion se një burrë u hodh nga një ndërtesë 29-katëshe dhe ra në majë të një peme dhe më pas në tokë. Me të mbërritur në vendngjarje, policia konstatoi se burri kishte një parashutë, e cila nuk u hap.
Rojet në gradaçel i thanë policisë se burri kishte shkuar në çatinë e ndërtesës me miqtë, të cilët po filmonin kërcimin e tij.
Sporti ekstrem i cili përfshin kërcimin me parashutë nga pikat e larta, në vend të një avioni është bërë gjithnjë e më i popullarizuar në mesin e të huajve që jetojnë në Azinë Juglindore.
Disa fitojnë të ardhura nga numri i ndjekësve të mediave sociale që shikojnë videot e tyre.
Megjithatë, me vetëm disa sekonda para se të godasë në tokë, është gjithashtu një aktivitet shumë i rrezikshëm, me pak diferencë gabimi.
Ka një shkallë fataliteti shumë më të lartë se hedhja me parashutë. Në mars 2022, një britanik vdiq pas kërcimit në bazë në Francën juglindore.
Një zëdhënës i Zyrës së Jashtme tha: "Ne po mbështesim familjen e një britaniku që ka vdekur në Tajlandë".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
