Një fëmijë 5-vjeçar i cili ka mbetur i mbyllur brenda në banesën e tij në qytetin e Elbasanit, ka mundur të shpëtohet falë ndërhyrjes së zjarrfikësve.
Sipas informacioneve nga policia "Më datë 25.07.2017 në Sallën Operative erdhi një telefonatë se në katin e 6-të të një pallati në Lagjen “Partizani” një fëmijë 5 vjeçar kishte mbetur brenda në banesë. Menjëherë në vendngjarje u nisën shërbimet e policisë dhe shërbimet e zjarrëfikses".
Drejtoria Vendore e Policisë Elbasan u bën thirrje të gjithë qytetarëve dhe prindërve që të jenë më të kujdesshëm para se të dalin nga banesa.
Policia e Elbasanit gjen rastin të falënderojë qytetarët për bashkëpunimin dhe i fton ata të telefonojnë për çdo rast në numrin pa pagesë 129.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
