Furnizimet me armë dhe municione në Ukrainë janë të rrezikshme dhe provokuese dhe mund të çojnë Shtetet e Bashkuara të Amerikës dhe Federatën Ruse në rrugën e konfrontimit të drejtpërdrejtë ushtarak.
Kërcënimin ndaj SHBA u bë në një intervistë për Newsweek, nga ambasadori rus në Shtetet e Bashkuara të Amerikës, Anatoli Antonov.
I dërguari i Moskës në SHBA siguron se Rusia po bën gjithçka që është e mundur për të shmangur viktimat civile dhe dëmtimin e infrastrukturës së Ukrainës.
Sipas tij, arsyet e luftës nuk i atribuohen vendimeve arbitrare të presidentit Putin, por “spastrimit etnik” në Ukrainë nga autoritetet e Kievit kundër pro-rusëve, së bashku me përpjekjen ukrainase për t’u anëtarësuar në NATO.
Idetë ultra-nacionaliste kanë ardhur në pushtet në Kiev. Për më tepër, pavarësia e rajoneve të Donetskut dhe Luhanskut është një fenomen i nisur nga poshtë, nga popullsia kryesisht separatiste. Ukraina bëri që marrëveshjet e Minskut të shtatorit 2014 të dështojnë, sepse zgjodhi rrugën e militarizimit të shpejtë me ndihmën e jashtme. Presidenti Zelensky më pas përgatiti një plan për blerjen e armëve bërthamore, të cilat do të ishin të rrezikshme për të gjithë botën. Qëllimi i operacionit ushtarak special është çmilitarizimi dhe denazifikimi i Ukrainës për të reduktuar kërcënimet ushtarake të paraqitura nga shtetet perëndimore, të cilat po përpiqen të përdorin popullin vëlla ukrainas në luftën kundër rusëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
