Një padi kundër Jay-Z, e cila akuzon për përdhunimin e një vajze 13-vjeçare në vitin 2000, së bashku me Sean “Diddy” Combs, u ngrit të dielën, duke e futur reperin në mes të akuzave në lidhje me shfrenimet famëkeqe të festave të Diddy, në të cilat dyshohet se kanë ndodhur abuzime.
Padia, e cila u ngrit për herë të parë në muajin tetor, fillimisht emëroi vetëm Sean “Diddy” Combs si të paditur.
Por ajo u paraqit përsëri duke iu referuar edhe Jay-Z, i njohur gjithashtu si Sean Carter.
Paditësja e cila u paraqit në mënyrë anonime si “Jane Doe”, pretendon se Combs dhe Carter e përdhunuan në vitin 2000, në një festë të mbajtur pas MTV Music Video Awards.
Konkretisht, në padinë e bërë, e dëmtuara shprehet se gjatë festës, pas një pijeje që ka pirë, ka filluar t’i merret mendja dhe më pas ka shkuar në dhomën e gjumit aty pranë për t’u shtrirë.
Sipas padisë, Carter i ka shkuar në dhomë dhe e ka përdhunuar i pari dhe më pas Combs. Gruaja pretendon se në vijim goditi Combs dhe u largua nga festa.
Jay-Z lëshoi një përgjigje të dielën pasdite, duke pretenduar se akuzat ishin “budallaqe” dhe u shantazh për ta detyruar atë të zgjidhte çështjen jashtë gjykatës.
Sipas tij, ky “shantazh” do t’i kthehet kundër, pasi shprehet se synon t’i përgjigjet akuzave në mënyrë publike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
