Në spitalin Covid3 do të hapet një tjetër pavion me kapacitet prej 50 shtretërish.
Kështu ka deklaruar zv.drejtoresha QSUT, Ariana Strakosha, në një video mesazh drejtuar qytetarëve.
Strakosha i konsideron të pavërteta zërat që qarkullojnë mbi ezaurimin e kapaciteteve të shtretërve në spitalet Covid, duke deklaruar se në spitalin Covid3 do të hapet një pavion i tretë që do ti shërbejë qytetarëve.
Ndër të tjera zv-drejtoresha e QSUT-së është shprehur se ashtu siç e parashikojnë edhe skenarët do të hapet edhe spitali Covid4 për të pritur pacientët e infektuar, por vetëm në ezaurimin e kapaciteteve tek të gjitha strukturat Covid.
‘’Mirëdita jemi në spitalin covid3, në pavionin e tretë. Sikurse e shihni kemi kapacitete tË lira për te mirëpritur të gjithë pacientët.
Alarmi se janë pakësuar kapacitetet spitalore nuk eshte i vertete, sic e shikoni dhe vetë janë gati shtreterit per te sëmuret.
Ndërkohe në skenaret e parashikuar është në gjendje edhe Covid4 për pacientet e infektuar për të pritur të sëmuret pasi të mbushen kapacitetet e tjera.
Per të eliminuar këtë dyndje drejt spitaleve duhet të zbatojnë me rigorizotet rregullat.
Nuk eshte sëmundje e lehtë nuk është shaka, duhet të evitojmë festat, baret, ditëlindjet të respektojmë distancimin social. Në këtë mënyrë mund të përballojmë më mirë fluksin e pacientëve që kanë nevojë për hospitalizim.'' deklaron Strakosha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
