Shemsi Prençi, ish-drejtues i policisë, thotë se nxjerrja e bazës të Limionit nga plani i përhapjes është bërë me firmën e presidentit Bajram Begaj dhe shefit të Shtabit të Përgjithshëm, Bardhyl Kollçaku. Kjo firmë, sipas tij, ishte ajo që e bëri Begajn president, por do të jetë edhe arsyeja e shkarkimit të tij, në vijim të hetimeve që po kryhen për këtë dosje.
Unë e kam thënë që Bajram Begajn e bëri president prona e ushtrisë. Ai si modeli i servilit, firmosi çfarë i kërkoi Ministrja e Mbrojtjes. Pronat e ushtrisë pa dakordësimin e kryeministrit dhe pa dakordinimi e presidentit për heqjen nga plani i përhapjes nuk mund të shkojnë te privati. Mënyra si është bërë, ka qenë shumë dashakeqëse në raport me pronat e ushtrisë. Ne nuk kemi mundësi të kontribuojmë në NATO. Të vetmen formë që kemi për kontribut në NATO ishin këto objekte për t’u kthyer në baza për Shqipërinë dhe për NATO-n. Unë jam në dijeni që është përgatitur një material i rëndësishëm për presidentin në atë kohë dhe ai e ka kundërshtuar. Nuk ka hedhur firmën që këto ojekte të hiqeshin nga plani i përhapjes. Prej andej i hoqi Begaj dhe Kollçaku brenda natës pas një vendimi qeverie. Jam i bindur se Begajn e bënë president pronat e ushtrisë dhe po ato prona do t’i çojnë në burg të dy.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
