Talibanët thonë se nuk dëshirojnë të monopolizojnë pushtetin, por këmbëngulin që Afganistani nuk do të ketë paqe derisa të jetë formuar një qeveri e re e negociuar në Kabul dhe presidenti Ashraf Ghani të hiqet nga posti.
Në një intervistë me agjencinë e lajmeve Associated Press, zëdhënësi i Talibanëve, Suhail Shaheen, i cili është gjithashtu një anëtar i ekipit negociues, përcaktoi qëndrimin e grupit për atë që do të vijë më pas.
Talibanët kanë marrë zotërimin e territorit me shpejtësi javët e fundit, kanë kapur pikat kufitare strategjike dhe po kërcënojnë qytetet provinciale, ndërsa ushtarët e fundit të Shteteve të Bashkuara dhe NATO-s po largohen nga Afganistani.
Këtë javë, oficeri i lartë ushtarak amerikan, Gjenerali Mark Milley, tha në një konferencë shtypi të Pentagonit se Talibanët kanë "vrull strategjik" dhe ai nuk përjashtoi një marrje të plotë të kontrollit nga Talibanët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
