Izraeli është bërë vendi i parë në botë që rikthen mbylljen totale, megjithëse me disa tolerime, për shkak të koronavirusit.
Kjo pasi vendi në ditët e fundit ka njohur një rritje tejet të madhe të personave të prekur me koronavirus. Sot, në 24 orët e fundit, janë shënuar në total 4537 raste të reja me COVID-19, një ulje e vogël në krahasim me një ditë më parë kur ishin 5000 raste.
Sakaq është rritur numri i tamponëve në 51378, përqindja e të infektuarve është me 8,8%, rastet aktive 44.984 ku 549 janë në gjendje të rëndë dhe rreth 140 të intubuar. Nga fillimi i pandemisë dhe deri më sot vendi ka në total 1165 viktima.
Ndër të tjera qeveria ka aprovuar hyrjen në lockdoën që do të nisë nga nesër në orën 14:00 dhe do të zgjasë të paktën 3 javë. Gjithsesi nga ky lockdoën ka një sërë përjashtimesh, mbi të gjitha në pjesëmarrjet në ceremonitë fetare, që kanë ngjallur çudi dhe debate në media kohët e fundit.
Për momentin po diskutohet edhe për mbylljen e shkollave, por gjithsesi për këtë nuk ka ende një vendim zyrtar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
