Pozicionet e trupit janë të ndryshme të çdo njeri që shtrihet për të fjetur: anash, në stomak, në shpinë apo kruspull.
Disa nuk lëvizin fare gjatë gjumit, disa kthehen e rrotullohen tërë natën. Sidoqë të jetë, është veprimi i duhurt, përderisa nuk je zgjuar.
Por ka edhe më mirë se kaq. Trupi juaj është shumë aktiv gjatë gjumit, duke regjistruar kujtimet, duke tretur darkën, duke rimbushur bateritë dhe sigurisht duke marrë oksigjen dhe duke qarkulluar gjakun.
Me sa duket pozicioni që merr trupi gjatë gjumit ka rëndësi për efektshmërinë e secilit nga proceset e sipërpërmendura.
Të flesh në krah të majtë është standardi i artë dhe kjo për shtatë arsye:
1. Përmirëson tretjen
A ju kanë thënë se nuk duhet ngrënë para gjumi, se shëndosheni? Nuk është e vërtetë. Tretja është një process, i cili vazhdon pavarësisht nëse je në gjumë apo zgjuar. Megjithatë, të fjeturit në anë të majtë ndihmon që ky process të zhvillohet më mirë, pasi stomaku ndodhet në anë të majtë të barkut dhe pozicioni majtas ndihmon në kalimin më lehtë të ushqimeve në zorrë.
2. Lehtëson punën e zemrës
Të fjeturit në anë të majtë ndihmon në lehtësimin e punës së zemrës. Duket diçka e vogël, por e ndihmon që zemra të pompojë më lehtë gjak, pasi aorta që nxjerr gjakun ka drejtim poshtë.
3. Lehtëson dhimbjen e shpinës
Të fjeturit në anë të majtë shmang problemet me dhimbjen e shpinës, ngërçet muskulore, pasi heq stresin nga shtylla kurrizore dhe përmirëson qarkullimin e gjakut.
4. Mbështet stistemin limfatik
Sistemi limfatik ka rol kryesor në lëvizjen e lëngjeve nëpër trup dhe në funksionin imunitar. Të fjeturit në krah të majtë e ndihmon atë në filtrimin e mbetjeve.
5. Më pak urthe
Urthet mund të jenë një efekt anësor i gjumit pas ngrënies, por mund të zvogëlohen me fjetjen në krah të majtë.
6. I rëndësishëm për gratë shtatzëna
Shtrirja në krah të majtë ndihmon në qarkullimin e lirshëm të gjakut edhe për nënën, edhe për fëmijën, lehtëson presionin e fëmijës në shpinën e nënës dhe mbron mëlçinë e saj nga shtrëngimi i tepërt.
7. Parandalon gërhitjen
Të fjeturit në krah të majtë ndihmon mjaft në reduktimin e zhurmës në më të shumtën e rasteve. Mos harroni, se nuk i kuron problemet që shkaktojnë gërhitjen.
Nëse nuk je mësuar të flesh në krah të majtë, mund të përpiqesh ta fitosh me kohën duke përdorur disa truke. Vër një jastëk midis këmbëve për të penguar rrotullimin, lëviz në krahun tjetër të krevatit etj. /Sipas Healthe&Human/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
