Zyrtarë të ushtrisë amerikane konfirmuan vdekjen e katër këshilltarëve të lartë të Shtetit Islamik gjatë një sulmi ajror të zhvilluar më 11 korrik në Afganistanin verilindor, gjatë të cilit u vra edhe udhëheqësi kryesor i grupit terrorist.
Sulmi ajror me dron goditi shtabin e ISIS-it në provincën Kunar, në kufi me Pakistanin, duke eliminuar kështu Abu Sayed, emir i degës së Shtetit Islamik në provincën Khorasan.
Një deklaratë e lëshuar sot nga ushtria amerikane bën të ditur emrat e katër këshilltarëve të lartë të ISIS-it: Sheik Ziaullah, Mulawi Hubaib, Haji Shirullah, dhe Assadullah.
Në periudhën kur u zhvillua sulmi, ushtria amerikane pati konfirmuar vdekjen e komandantit Sayed, por nuk pati dhënë detaje të mëtejshme për personat e tjerë të vrarë gjatë sulmit ajror. / VOA /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
